 |
 |
 |
 |
 |
 |
 |
 |
 |
 |
 |
 |
 |
|
அண்ணா களஞ்சியம் இனம்
|
மொழி |
அரசியல் |
கல்வி |
மதம் |
நீதி |
பண்பு |
சமதர்மம்
|
பகுத்தறிவு
|
பொதுவாழ்வு
மகிழ்ச்சி வினை-விளைவு வாழ்க்கை பாமரர் இடிந்த மாளிகை, இரசம் போன கண்ணாடி, ஊசல் பண்டம்,
உடைந்த வாள், பிரிந்து போன கூடை, திரிந்த பால் இவைகள் ஏளனம் அல்ல!
தம்பி, இரக்கத்தை எழுப்பத்தக்க பொருட்கள். காலத்தாலும், கருத்தற்றப்
போக்காலும், கயவன் கரம் பட்டதாலும், பகையும் படியவும் கெட்டதற்குச்
சான்றுகள். இரத்தம் பொங்கிய இருபது ஆண்டுகள் மாறுதல் இருக்கிறதே தம்பி, மிக மிகச் சுவை தருவது.
ஒன்று மற்றொன்றாகிறது. அதாவது தம்பி, மாறுதல் வளர்ச்சியால் ஏற்படலாம்;
கலப்பால் எற்படலாம். களைவதால் ஏற்படலாம், மாறுதல் வளர்ச்சியால்
ஏற்படலாம்; மாறுதல் உண்மையானதாகவும் இருக்கலாம், போலியாகவும் இருக்கலாம்;
. . . . பலன் தரும் மாறுதல், பொருளற்ற மாறுதல் எனும் வகைகள் கூட
காணலாம். . . . எதிர் பார்த்தது, எதிர் பாராதது என்ற கூட கூறலாம். நெடி வேறு, மணம் வேறு அல்லவா? மணம் மெள்ள கிளம்பும்,
வேகமின்றி பரவும். ஆனால் நீண்ட நேரம் நிலைத்திருக்கும். மனதுக்கு
நிம்மதியைத் தரும். நெடி சடுதியில் கிளம்பும் ; துளைக்கும், பரவும்.
மிக விரைவிலே மடிந்துபோகும். கோபம் நெடி போன்றது, கொப்பளிக்கும்,
துளைக்கும், எனினும் மடிந்து போகும். விரைவிலா, நீண்ட காலத்துக்குப்
பிறகா என்பது இயல்புக்குத் தக்கப்படி. மணம் போன்றது, பொறுத்துக்
கொள்ளும் பண்பு. தாங்கிக் கொள்ளும் இயல்பு. எளிதில் கிடைக்காது.
கிடைத்தால் சடுதில் மடியாது! இருண்ட இந்தியவில் எத்தனை முறை வேண்டுமானாலும் ஆண் மகன் திருமணம் செய்துகொள்ளலாமே. பெண்தானே, பருவ மங்கையாயினும், பட்டாடை உடுத்திக்கொண்டு பல்லாங்குழி ஆடி விளையாடும் சிறுமியானாலும் மணமாகி, பின்னர் கணவன் பிணமானால், விதவையாகிவிடவேண்டும். இளமை இருக்கலாம். ஆனால் இன்ப வாழ்வுக்கு அவள் அனுமதி பெற அந்தக் கூட்டம் அனுமதிப்பதில்லை. பால்ய பிதவையான அந்தப் பெண்ணுக்கு சந்தோசம் எப்படி
இருக்க முடியும்? விசித்திரமான நிலமை இது. அந்தப் பெண்ணின் நோய்ப்
போக வேண்டுமானால் அவளுக்கு நான் மருந்து கொடுத்து பயனில்லை. சமூகத்தில்
உள்ள பித்தம் தெளிய மருந்து தரவேண்டும். அப்போதுதான் அபலைகளை அலைக்கழிக்கும்
அந்த நோய்ப் போகும். இருளிலிருந்து ஒளி பிறந்து, ஒளி மீண்டும் இருளாகும், இரைச்சலிலிருந்து ஒலியாயிற்று. ஒலி மீண்டும் இரைச்சலாகிவிடும். குழப்பத்திலிருந்து ஒழுங்கு பிறந்தது. ஒழுங்கு மீண்டும் குழப்பத்துக்கு இடம் கொடுத்துவிடும். அதுபோல சூன்யத்திலிருந்து வாழ்வு பிறந்தது. வாழ்வு மீண்டும் சூன்யமாகிவிடும் என்று கூறுவோர் ஓர் வகையினர். இவ்வகையினரிலும் பல வகையினர் தோன்றினர். இன்னும் தோன்றியபடியே உள்ளனர். அந்தப் பலவகையில் ஒரு வகையினர் நிலையற்ற வாழ்வு இது. அறியப்போகும் அவனி இது. எனவே இதிலே ஈடுபாடு கொள்வதும், மூழ்கிக்கிடப்பதும் தேவையற்றது. தீதும் பயப்பது, தவிர்க்கப்படவேண்டியது என்று கருத்தை மேற்கொண்டு உலகை வெறுத்து ஒதுங்கியவர்கள். உலகை வெறுத்து ஒதுக்கியவர்களில் ஒரு சாரார், அந்த நிலையிலேயும் எண்ணங்களை மடியச் செய்திடும், இயல்பினை பெற முடியாதவராகி உலகை வெறுத்ததன் பயனைக் காண முற்பட்டனர் - மற்றவர்க்கு எடுத்துக் கூற தலைப்பட்டனர் - துறவு முறை என்பது ஏற்பட்டது. இந்த துறவு முறையிலும், காயத்தின் கரமும் கருத்துக்களின் மோதுதலும், பல உருமாற்றங்களையும், உரை மாற்றங்களையும் உணர்ச்சி மாற்றங்களையும் புகுத்திடவே துறவு முறைப்பற்றிய மதிப்பீடு எழவேண்டி நேரிட்டது. துறவு, துறவுதானா? துப்புரவுதானா? வேடமா என்ற வினாக்கள் எழலாயின! விடைகள் தரப்பட்டன! தத்துவங்கள் தலை தூக்கின. அவைகட்கு குழுக்கள் ஏற்பட்டன! மதங்களாயின! மதங்களிடையே மோதல்கள் மூண்டன! இருள்! இரைச்சல், குழப்பம் மீண்டும் படையெடுத்தன. அழிவு, தன் அகன்ற வாயைத் திறந்த பசி தீரப் பலி கேட்டது, பெற்றது! பலியானவர்கள் போக மற்றவர், நமக்குள் நடக்கும் சமர் போதும், இனி நமக்கும் அறிவுக்கும் மூண்டுவிட்ட சமர்தான் முக்கியம் என்ற தெளிவு பெற்று அவரவர்க்கு விருப்பம் உள்ளது. அவரவருடையது, என்ற ஏற்பாட்டினைச் சொய்துபொண்டு, இருளும் இரைச்சலும் குழப்பமும் பெற இருந்த வெற்றியைத் தடுத்து நிறுத்தினர். மதங்கள், முறைகள் ஒழுங்குகள், சட்ட திட்டங்கள் இவை பல்வேறு வகைகளாய், ஒன்றுக்கொன்று விட்டுக்கொடுக்கும் மனமற்ற நிலையில், ஆனால் ஒன்றை ஒன்று தாக்கிக் கொள்ளும் போக்கினை கண்மூடித்தனமாக மேற்கொள்ளாமல் இருந்திடக் காண்கிறோம். அவ்வப்போது காணப்படும் கசப்புணர்ச்சி கலவர உணர்ச்சி, பகை உணர்ச்சி ஆகியவை ஓர் போது ஆதிக்கம் செலுத்திவந்த, இருள் இரைச்சல், குழப்பம் ஆகியவைகள் இழந்த இடத்தைத் திரும்பப் பெற ஏவிவிடும் கணைகள் எனலாம். பெரும் போர் ஓய்ந்திருக்கிறது. போர் உணர்ச்சி மடிந்துவிடவில்லை என்பதனையே இந்நிலை எடுத்துக் காட்டுகிறது. போல் மூளாது என்று எண்ணி நிம்மதி பெறத்தக்க நிலை
இல்லை. என்றேனும் அத்தகைய நிம்மதி ஏற்படுமா? என்பது ஐயப்பாட்டுக்குறியது
- எனினும் போர் நிறுத்தப்பட்டிருக்கிறது. விளைவு பற்றிய நடுக்கம்,
விளைவைத் தடுத்துப் பிடித்து நிறுத்திவைத்திருக்கிறது. இனம்
|
மொழி |
அரசியல் |
கல்வி |
மதம் |
நீதி |
பண்பு |
சமதர்மம்
|
பகுத்தறிவு
|
பொதுவாழ்வு
|
முகப்பு | இலக்கியம் | அரசியல் | வரலாறு | புகைப்படங்கள் | பேரவை | தொடர்புகொள்ள |
Website Designed by R.Sembian, Anna Peravai