 |
 |
 |
 |
 |
 |
 |
 |
 |
 |
 |
 |
 |
¤அடக்கம்
இருக்கவேண்டும் (பெண்களுக்கு). ஆனால் அசடாக இருக்கக் கூடாது. புத்தி
இருக்கவேண்டும், ஆனால் போக்கிரித்தனம் இருக்கக் கூடாது. அழகு இருக்க
வேண்டும். ஆனால் ஆளை மயக்கும் நோக்கம் இருக்கக் கூடாது. படிப்பு
இருக்கவேண்டும். ஆனால் படாடோபம் இருக்கக் கூடாது. சகஜமாகப் பழகவேண்டும்.
ஆனால் சந்து பொந்து திரியும் சுபாவம் கூடாது. ¤
அழகு ஓர் ஆபத்தான ஆயுதம்! ஆனால் பெண்களுக்குச் சரியான சமத்துவமும்,
சுதந்திரமும், பண்பும், வசதியும் கிடைக்கும் வரை அவர்கள் இந்த
ஒரே ஆயுதத்தை உபயோகித்தே தீரவேண்டியவர்கள் ஆகிறார்கள். அந்த நிர்பந்தம்
நீங்கிய பிறகுதான், அழகு ஆயுதமாகவோ ஆபத்தாகவோ இராமல், இன்பக்காட்சியாக,
இருதய கீதமாக இருக்க முடியும். ¤
ஒரே குடும்பத்தின் மணிகளிலே ஒன்று மாணிக்கமாக்கப்பட்டு, மற்றொன்று
மண்ணாங்கட்டியாக்கப்படுகிறது. சொத்து சுதந்திரம் ஆணுக்கு! சமையலறையில்
வேகவும் சயனக்கிரகத்தில் சாயவும் பெண்! ரங்கோன் ராதா ¤ ஒரு பெண்ணின் விபசாரம் சாத்தியமானது ஒரு ஆணினால்தானே? ¤ கற்பின் மீது கவலை பிறக்கும்படி ஆடவர் யாவருக்குமே அறிவு இன்ஜெக்சன் கொடுக்கவேண்டும். ¤
ஆண்களின் கல் மனத்தினால், அவதிக்காளான அபலைகளைக்கொண்டு நீதி வழங்கச்
சொன்னால், நாணயஸ்தர், கண்ணியமானவர், தர்மவான் என்றெல்லாம் புகழப்படுபவர்கள்,
கடுந் தண்டனை பெறவேண்டி நேரிடும். என்ன செய்வது, ஆண்களிடமே நீதி
வழங்கும் உரிமை விடப்பட்டிருக்கிறது. குற்றவாளிக்கே நீதிபதி உத்யோகம். ஆணிடம் சிக்கியப் பெண் ¤
திருமணத்துக்கு வேறொருவரின் தரகும், வர்ணணையும், ஏற்பாடும் நடப்பதே
தமிழ்நாட்டில் வழக்கமாகிவிட்டது. மணமக்கள் அதற்குமுன் ஒருவரையொருவர்
சந்தித்திருக்கமாட்டார்கள். சந்திப்பதே அழகல்ல என்பதே சமுதாயத்தில்
இன்றுள்ள கருத்து. யார் வீட்டுப் பெண்ணையோ யார் வீட்டுப் பிள்ளைக்கோ,
யாரோ இடையில் இருந்து, எதை எதையோ கவனித்து, ஏற்பாடு செய்து எரி
ஓம்பி, எவரும் அறியா மந்திரத்தை, யாரோ ஒரு பார்ப்பனர் ஓதிக்கொண்டே
இலையிலே என்னென்ன பண்டம் இருக்கிறது என்பதிலும் இடுப்பிலே எவ்வளவு
தட்சிணை ஏறிற்று என்பதிலும் கவனத்தைச் செலுத்த, கொட்டு முழக்குடன்
கூடி திருமணத்தை முடித்துவிடுகிறார்கள். பின்னர் (திரு) அழகும்
இருப்பதில்லை (மணம்) நல் வாடையும் இருப்பதில்லை, பெரும்பாலான குடும்பங்களிலே!
புகுத்தப்பட்ட இடத்தில் புதைந்து! என்று முடிகிற நேரந்தவிர, இருக்கும்
உயிரும் உடலுமென வீணையும் நாதமுமென விளக்கும் ஒளியுமென வாழ்வதாகக்
கூறுவதற்கில்லை. மனப்பொருத்தம், உடல் பொருத்தம், நிலமை பொருத்தம்
போக கவனிக்கப்படாமல் நடத்தப்படும் திருமணம் கடைசீ வரையில் சிறைதானே! ¤ கள்ளன் எந்த வீடும் நுழைவான் காமுகன் கதியற்ற கன்னிமாடமாகப் பார்த்து நுழைவான். பெண்களால் அவ்விதமான ஆண்களின் சுபாவத்தை தெரிந்துகொள்ள முடியும். ¤ அழகு ஒரு ஆபத்தான ஆயுதம், அதனால் ஆசைப்படுபவர்கள் ஆண்கள், ஆள்பவர்கள் பெண்கள். ¤ கணவனை இழந்த காரிகைதான் என்றாலும், கணவன் இறந்தான் என்று அழுது புலம்பாமல் இன்னும் சிறிது காலம் பிழைத்திருக்கலாம், மறுவாழ்வு வாழலாம் என்று நினையாமல் நீதிக்குப் போராடிய பத்தினித் தெய்வம் கண்ணகி ¤
தங்களுக்கு வரப்போகும் கணவன் அழகாக இருக்கவேண்டும். அதோடு அன்புடையவனாக
நடந்துகொள்ளவேண்டும். நல்ல குணவானாக பண்புள்ளம் படைத்தவனாக விளங்கவேண்டும்.
குடும்பத்தில் அக்கரையுடையவனாகத் திகழவேண்டும் என்றுதான் விரும்புகிறார்கள்.
|
முகப்பு | இலக்கியம் | அரசியல் | வரலாறு | புகைப்படங்கள் | பேரவை | தொடர்புகொள்ள |
Website Designed by R.Sembian, Anna Peravai